Qəbələdə indiyədək 6 min hektara yaxın sahədə payızlıq səpin aparılıb

Qəbələdə indiyədək 6 min hektara yaxın sahədə payızlıq səpin aparılıb

Read Time:36 Second

 115 

Qəbələ rayonunun təsərrüfatlarında gələn ilin məhsulu üçün payızlıq dən bitkilərinin səpini davam edir. Torpaq mülkiyyətçiləri indiyədək 3200 hektarı arpa, 2700 hektarı buğda olmaqla 5900 hektar sahəyə toxum səpiblər. Cari mövsümdə rayonda 19,5 min hektar sahədə payızlıq dənlilərin səpini proqnozlaşdırılır.

Qəbələ Dövlət Aqrar İnkişaf Mərkəzinin bitkiçilik sektorunun müdiri Elimdar Şərifov məlumat verib.

Sektor müdiri bildirib ki, payızlıq dən bitkilərinin səpini üçün indiyədək 19,2 min hektar sahədə şum qaldırılıb. Toxumçuluq təsərrüfatları və fermerlər tərəfindən 4 min tondan çox yüksək reproduksiyalı toxum fondu yaradılıb.

İpmedia.info xəbər verir ki, rayonun təsərrüfatlarında tütün yığımı da davam edir. Builki mövsümdə qəbələli fermerlər 35 hektarda tütün yetişdiriblər. İndiyədək sahələrdən 165 ton yaş tütün yarpağı dərilib və yaşıl kütlədən 16,5 ton quru tütün istehsal olunub.

0
İQTİSADİYYAT Ölkə