29 Oktyabr 2020

İpmedia.info

İnternational Press

Diasporla İş üzrə Dövlət Komitəsi: Dağıstanda həbs olunan azərbaycanlılarla bağlı vəziyyət daim nəzarətdədir

Read Time:46 Second

 49 

ipmedia.info APA.az-a istinadən xəbər verir ki,

Bu ilin iyun ayında Dağıstanın Kullar qəsəbəsində baş vermiş etiraz aksiyasından sonra saxlanılan vətəndaşlarımızın vəziyyəti daim Azərbaycan dövlətinin diqqətindədir.

Azərbaycan Respublikası Diasporla İş üzrə Dövlət Komitəsinin Mətbuat katibinin  verdiyi məlumata görə, məlum hadisə zamanı saxlanılan – barələrində həbs qətimkan tədbiri seçilmiş və ya ev dustaqlığı qərarı verilmiş Azərbaycan vətəndaşlarının həm vəkillərlə təmin olunması, həm də maddi çətinliklərinin aradan qaldırılması üçün Dövlət Komitəsi öz imkanları və səlahiyyətləri daxilində müvafiq qurumlarla əməkdaşılıq çərçivəsində lazımi bütün addımları atır. Proses digər dövlət orqanları ilə informasiya mübadiləsi aparılmaqla daim nəzarətdə saxlanılır.

 

Komitənin məsul əməkdaşları Rusiyanın müxtəlif əyalətlərindən Dağıstan ərazisinə cəmlənmiş vətəndaşlarımızın ölkəyə qayıtmaq istəklərinin təmin edilməsinə dəstək vermək və qeyd edilən bu məsələ ilə əlaqədar dəfələrlə Dağıstana ezam olunub.

Bildirilib ki, Diasporla İş üzrə Dövlət Komitəsi və digər müvafiq dövlət qurumları vətəndaşlarımızın hüquqlarının qorunması, onların problemsiz ölkəmizə geri dönmələri üçün bundan sonra da lazım olan bütün zəruri tədbirləri həyata keçirəcək.

0